EGABeko presidentearen bloga

Euskadiko Ekonomia eta Gizarte Arazoetarako Batzordea

Category: Cooperación internacional (Page 1 of 2)

RTA burdeos-plaza-bolsa

Estrategia Atlantikoari buruz STAren lantaldearen bilera

Sare Transnazional Atlantikoaren burua naizen neurrian, EBko Estrategia Atlantikoari buruzko lantaldeari gure hurrengo bilerarako deialdia bidali diot. Ostiralean, ekainaren 8an, egingo dugu Bordelen. Jakingo duzuen bezala, STA ahalegin guztiak Estrategia Atlantikoan jartzen ari da eta egiten ari diren aldaketak hurbiletik jarraitzen saiatzen da, STAren Batzorde Eragilearen azkeneko bileran aipatutakoari jarraiki. Hori Parisen egin zen maiatzaren 22an.

Gogorarazi nahi dut Sare Transnazional Atlantikoak joan den abenduan Bordelen gaiari buruz oso dokumentu landua aurkeztu zuela, Europar Batzordeari berraztertzeko unea iristen zitzaionean kontuan hartzeko. Gure lanaren izenburuak edukia aurreratzen du: “Bere Ekintza Planaren bitarteko berraztertzeari begira Estrategia Atlantikoa hobe inplementa dadin gizarte zibilaren proposamenak”. Txosten hau STAren web orrian kontsulta daiteke eta hartzaileek oso harrera ona eman zioten. Orain noraino kontuan hartzen duten egiaztatu behar dugu eta, hain zuzen ere, horretan lantaldea, Bordelen ostiralean bilduko dena, arduratzen da.

STAk egindako proposamenak Estrategia Atlantikoari batzen zaizkiola zaindu eta jarraitzea ekainaren 8an bilduko den taldearen zeregin bat da. Hitzordu horretan Fernando de la Peña, Espainiako Kanpoko Gaietarako Ministerioko ordezkaria eta Europar Batasuneko Atlantic Strategy Groupeko burua, egongo da eta Estrategia Atlantikoari buruzko Ekintza Plana inplementatzearen inguruan ebaluazio prozesuari eta berraztertzeari buruzko azken berrikuntzak azalduko ditu. Eta galderen ondoren, bertaratutakoen artean eztabaida izango da. Hitz txandak emango dira Europar Batzordearen azkeneko dokumentuaren edukia aztertzeko: “Commission Staff Working Document on the mid-term review of the Atlantic Action Plan” (bakarrik ingelesez eskuragarri).

RTA PARIS_recortada

NGSAren Batzorde Betearazlearen batzarra Parisen

Paristik itzuli berri gara, Nazioz Gaindiko Sare Atlantikoaren (NGSA) Batzorde Betearazlearen batzar bat egin ondorik. Bilera horretan, hots, funtsean Sarearen hurrengo osoko biltzarra, Orientazio Batzordea deritzona eta udazkenean egingo dena prestatze aldera deitu zen batzar horretan, gai interesgarri aski jorratu genituen. NGSAn batera egingo dugun hurrengo lana biltzar horretan erabakiko da eta, horri dagokionez, aurkeztu diren proposamenen artean zenbait gai hautatu ditugu asteon.

Horrezaz aparte, Consello Económico e Social de Galicia izeneko kontseilua unibertsitatearekin lankide jardunik Brexiten ondorioez prestatzen ari den lan bikaina nabarmenarazi eta hedaraztea erabaki genuen; izan ere, gai horrek garrantzi zeharo handia du, gai horri buruzko eztabaida publikoak behera egin arren eta egun hain bizia izan ez arren. Horrez gain, NGSAk Estrategia Atlantikoari buruz egin duen eta Europako Batzorderen Itsaso eta Arrantza arloko Gaietarako Zuzendaritza Nagusiari garai egokian helarazi genion txostenak dituen ondoreekiko jarraipena eta zaintza ere areagotu ditugu. Estrategia Atlantikoaren 2010-2020ko Ekintza Planaren berrikuspenean gure ekarpenak zein neurritan hartzen diren kontutan eta berrikuspen horretan sartzen ari diren jakin nahi dugu. Gure aburuz, gure ekarpenak ekarpen baliotsuak dira, zeharkako ikuspegitik egin ditugulako eta arlo honetan hainbat eragile sozioekonomikok eman dutelako beren iritzia.

45 Asamblea General

Ideia-agentzia Europarentzat

Aste honetan hitzordu garrantzitsua daukagu Helsinkin. Gai anitzak jorratuko dituen agenda zabalarekin, Itsas Erregio Periferikoen Konferentziak garatzen dituen jarduera guztiak barne hartzen baititu. Konferentziak gaur hasi eta ostiralera arte Finlandiako hiriburuan antolatuko du bere berrogeita bosgarren Asanblada Orokorra. IEPK plataforma handia da, eta horren barne daude 160 Europako eskualde, Batasuneko 25 Estatutan integratuta daudenak. Bere dimentsioari buruzko ideia bat egin ahal izateko, gutxi gorabehera 200 milioi herritar ordezkatzen ditu. Zer nahi du IEPKak? Europako lurraldearen garapen orekatuagoa lortu nahi du. Zentzu horretan, Itsas Erregio Periferikoen Konferentziak bere burua definitzerakoan Europako eskualdeentzat lobby bat eta think tank (pentsamendu laborategia) bat dela esan ohi du. Dudarik gabe interes handiko talde bat da, baina horrez gain (niri bereziki azalpen hau gustatzen zait) “Europarentzat ideia-agentzia bat da”.

Europarentzat ideia-agentzia bat, zeinak parte hartzen duten eskualdeen interesak defendatzen dituen Europako baterako politikek lurraldean inpaktu handia izatea lortzeko. Izan ere, IEPKren barne-antolakuntzak berak irizpide geografiko zehatz bat jarraitzen du, eta hala, bere jarduera-organigrama Europako sei itsas eremu periferikotan banatuta dago (Arku Atlantikoa, Balkanak/Itsaso Beltza, Itsaso Baltikoa, Mediterraneo Itsasoa, Irlak eta Ipar itsasoa). Gure eremua, Arku Atlantikoarena, Andaluziatik Eskoziara arte luzatzen da, Portugal, Espainia, Frantzia, Irlanda eta Erresuma Batuko eskualde ezberdinekin, non Europako biztanleriaren %12 bizi den.

Europako eskualde horiek arazo globalei aurre egin behar die eta horretarako lurralde-mailako erantzunak eman behar dira modu orekatuan, kohesionatuan eta bateratuan. Helsinkin garraioari eta irisgarritasunari buruz hitz egingo dugu, alor horretan garapen geopolitikoak duen inpaktuari buruz, kohesio politikei buruz, integratutako itsas politikei buruz, klima aldaketari buruz, Europako proiektuaren etorkizunari buruz…Gai horiei buruz hitz egingo dugu behin eta berriz.

Page 1 of 2

© 2017 Copyright Consejo Económico y Social Vasco | Euskadiko Ekonomia eta Gizarte Arazoetarako Batzordea