EGABeko presidentearen bloga

Euskadiko Ekonomia eta Gizarte Arazoetarako Batzordea

Category: Encuentros institucionales (Page 1 of 5)

ENCUENTRO CES AUTONÓMICOS

Autonomia Erkidegoetako CES Batzordeen urteroko topaketa

Autonomia erkidegoetako Ekonomia eta Gizarte Arazoetarako Batzordeen urteroko topaketaren aurtengo hitzordua Palma Mallorcakoan da. Bilera apirilaren 26an eta 27an egingo da, hau da, aste honetako ostegunean eta ostiralean. Lehenengo egunean harrera egiteko eta ongi etorria eskaintzeko erakunde mailako ekitaldiak burutuko dira, eta ekitaldiaren irekiera ofiziala egingo da Balear Uharteetako Parlamentuan, Govern autonomikoaren presidentearen eta beste agintari batzuen parte hartzearekin. Egun horretan bertan, ostean, gobernu autonomikoak erregio horretako CESi agindu zion “Las Islas Baleares en el horizonte 2030” azterlanaren aurrerakuntzaren aurkezpena egingo da. Ostiraleko, apirilaren 27ko, saioari dagokionez autonomietako CES batzordeen barruko lanak egiteko bilera burutuko da.

Erabat asetzen nau aurtengo topaketa hori Balear Uharteetan egiteak, Komunitate horrek, aurreko legegintzaldian jarduera eten ondoren, berriz ere Ekonomia eta Gizarte Arazoetarako Batzordea eratzea lortu duelako. Consell Econòmic i Social de les Illes Balears batzordea berriz jarri zen abian iazko ekainean eta lehendakaria Ekonomiako katedraduna eta conseller-ohia den Carles Manera da. Biltzeko eta hitz egiteko foro honen lehengoratzearekin Balear Uharteetako CESek, orain arte ere arlo ekonomikoan eta sozialean egunerokotasuna duten gaiei buruzko hamarka irizpen, proposamen eta txosten egin dituenak, berriz ere bere betiko ibilbideari ekin dio.

45 Asamblea General

Ideia-agentzia Europarentzat

Aste honetan hitzordu garrantzitsua daukagu Helsinkin. Gai anitzak jorratuko dituen agenda zabalarekin, Itsas Erregio Periferikoen Konferentziak garatzen dituen jarduera guztiak barne hartzen baititu. Konferentziak gaur hasi eta ostiralera arte Finlandiako hiriburuan antolatuko du bere berrogeita bosgarren Asanblada Orokorra. IEPK plataforma handia da, eta horren barne daude 160 Europako eskualde, Batasuneko 25 Estatutan integratuta daudenak. Bere dimentsioari buruzko ideia bat egin ahal izateko, gutxi gorabehera 200 milioi herritar ordezkatzen ditu. Zer nahi du IEPKak? Europako lurraldearen garapen orekatuagoa lortu nahi du. Zentzu horretan, Itsas Erregio Periferikoen Konferentziak bere burua definitzerakoan Europako eskualdeentzat lobby bat eta think tank (pentsamendu laborategia) bat dela esan ohi du. Dudarik gabe interes handiko talde bat da, baina horrez gain (niri bereziki azalpen hau gustatzen zait) “Europarentzat ideia-agentzia bat da”.

Europarentzat ideia-agentzia bat, zeinak parte hartzen duten eskualdeen interesak defendatzen dituen Europako baterako politikek lurraldean inpaktu handia izatea lortzeko. Izan ere, IEPKren barne-antolakuntzak berak irizpide geografiko zehatz bat jarraitzen du, eta hala, bere jarduera-organigrama Europako sei itsas eremu periferikotan banatuta dago (Arku Atlantikoa, Balkanak/Itsaso Beltza, Itsaso Baltikoa, Mediterraneo Itsasoa, Irlak eta Ipar itsasoa). Gure eremua, Arku Atlantikoarena, Andaluziatik Eskoziara arte luzatzen da, Portugal, Espainia, Frantzia, Irlanda eta Erresuma Batuko eskualde ezberdinekin, non Europako biztanleriaren %12 bizi den.

Europako eskualde horiek arazo globalei aurre egin behar die eta horretarako lurralde-mailako erantzunak eman behar dira modu orekatuan, kohesionatuan eta bateratuan. Helsinkin garraioari eta irisgarritasunari buruz hitz egingo dugu, alor horretan garapen geopolitikoak duen inpaktuari buruz, kohesio politikei buruz, integratutako itsas politikei buruz, klima aldaketari buruz, Europako proiektuaren etorkizunari buruz…Gai horiei buruz hitz egingo dugu behin eta berriz.

Maria Jesús San José Consejera de Trabajo y Justicia

Gizarte Elkarrizketarako Mahaia

Herenegun Forum Europa Tribuna Euskadik antolatutako hitzaldi solasaldira joan nintzen. Protagonista Eusko Jaurlaritzako Lan eta Justizia sailburua, María Jesús San José, zen. Sailburuak gai garrantzitsu eta interesgarriak landu zituen eta tribunatik gizarte elkarrizketari eta hitzarmenari balioa eman zien.

Kalitatezko enpleguaren aldeko apustua egin zuen. Halaber, lan iruzurraren aurkako borrokan irmotasuna eta elkarrizketa defendatzea gizarte eta lanaren arloetan herri politikak hitzartzeko trena hoberen bezala gailendu zituen. Gizarte Elkarrizketarako Mahaia eztabaida eta adostasuna egituratzen duen agertokia da eta sailburuak ate zabalekin, partaidetzarekin eta gardentasunarekin suspertu nahi du. Hitzarmenean iragarritakoaren arabera, hurrengo asteetan deialdi berria egingo du gizarte elkarrizketa abiarazteko. Xede horrez, nahasitako zati guztiei dagozkien erantzukizunak onartzea eskatu zien. Eta erantzukizunak handiak dira, Gizarte Elkarrizketarako Mahaia gizarte eragile guztien erakunde partaidetzari buruzko epizentroa baita.

Page 1 of 5

© 2017 Copyright Consejo Económico y Social Vasco | Euskadiko Ekonomia eta Gizarte Arazoetarako Batzordea