EGABeko presidentearen bloga

Euskadiko Ekonomia eta Gizarte Arazoetarako Batzordea

Category: Gobierno Vasco (Page 1 of 2)

eusko legebiltzarra_CES

Eusko Jaurlaritzako Enplegu Batzordearen aurrean

Aste honetan Eusko Jaurlaritzara joan gara. Zehazki, Eusko Jaurlaritzaren Enplegu, Gizarte Politika eta Etxebizitza Batzordearen aurrean agertu gara Jon Barrutia, UPV/EHUko Ekonomia eta Enpresa Fakultateko dekanoa eta Euskadiko EGABen memoria soziekonomikoaren batzordearen arduraduna, eta ni, erakunde honetako lehendakari gisa. Joan den astelehenean legebiltzarrera bertaratu ginen batzorde horretako parlamentariek horrela eskatuta. Urteko gure txosten sozioekonomikoaren xehetasunak ezagutu nahi zituzten.

Hauxe da bilera horren inguruan esan behar dudan lehenengo gauza: bereziki harritu ninduela memoria hori egiteko EGABek burutzen duen lanagatik parlamentariek erakutsi zuten interes handiak, eta, batez ere, gure txostenaren inguruan duten ezagutza maila altuak. Atsegina izateaz gain, agerraldia oso bizia izan zen eta bi orduz luzatu zen. Ordezkari politikoek galdera asko eta oso zehatzak egin zituzten txosten sozioekonomikoaren disekzio ariketa batean. Batzordean enplegua, prestakuntza, berrikuntza, osasuna eta hezkuntzaren inguruan Memorian jasotzen ziren datu eta gogoetak berrikusi genituen eta Euskadiko pobrezia-adierazleei eta horren estaldurari buruz hitz egin genuen.

Jon Barrutia eta biok Euskadiko EGABen memoria sozioekonomikoa egiteaz arduratzen den batzordeak burutzen duen lan handiaren garrantzia azpimarratu nahi dugu. Ondo egindako lan baten ondorioa da gogobetetasun hau, izan ere, oso erabilgarria izan baita parlamentuko gure ordezkaritzak garatzen duen lanarentzako eta interesa duten herritarrentzako azterketa- eta kontsulta-dokumentu gisa.

Novia Salcedo

Gazteak eta laneratzea

Atzo Bilbon egin zen Novia Salcedo sari banaketan izan nintzen. Ekitaldi horretan, Euskadiko hainbat gizarte- eta ekonomia-erakundetako agintari eta ordezkariak egon ziren; besteak beste, Felipe VI. erregea, Urkullu lehendakaria, Eusko Jaurlaritzako presidentea, Lan ministroa edo hiriko alkatea. Gazteen laneratzea bezalako erabat lehentasunezkoa den gai batek hainbeste pertsona garrantzitsu biltzea positiboa da; hori dela eta, inplizituki, garrantzia berezia aitortzen diote xede duten gaiari.

Edonola ere, arreta horren merezimendua Novia Salcedo Fundazioarena da. Erakunde horrek laguntza-lan arrakastatsua eskaintzen die gazteei beren laneratzeko bidean. Horretarako, lan merkatuan kokatzeko aukerak hobetzera bideraturiko prestakuntza jasotzera eta gaitasunak eskuratzera bideraturiko programa eta ekimen berritzaileak baliatzen ditu.

Gazteen laneratzea lehentasunezko gaia izan beharko litzateke. Beti. Horrela defendatzen du Euskadiko Ekonomia eta Gizarte Arazoetarako Batzordeak, pasa den martxoan gure lurraldean esparru horretan aurrerapausoak emateko xedea duen lan-dokumentu sendo bat aurkeztu zuenak. “EAEko gazteriaren enplegagarritasuna eta lan-merkatuan sartzea Europako eskualdeko ikuspegi konparatzailetik” ekimen propioaren gure azterlanari buruz ari naiz. Europako beste eskualde batzuekin egindako analisi konparatiboa eta enpresek, sindikatuek, unibertsitateek, ikastetxeek, ikasleek eta abarrek osatu zituzten eztabaida-taldeek aurkezturiko ikuspegi ñabartuak barne hartzen dituen azterlan xehatua. Hausnarketarako eta ekintzarako dokumentu bat, beste behin, irakurtzea gomendatzen dudana.

Post 20180911 Treinta y tres mil estudiantes

(Español) Treinta y tres mil estudiantes

No disponible

Page 1 of 2

© 2017 Copyright Consejo Económico y Social Vasco | Euskadiko Ekonomia eta Gizarte Arazoetarako Batzordea