EGABeko presidentearen bloga

Euskadiko Ekonomia eta Gizarte Arazoetarako Batzordea

Category: Red Transnacional Atlántica (Page 1 of 3)

La financiación del Plan de Acción de la Estrategia Atlántica

Estrategia Atlantikoari buruzko Ekintza Plana finantzatzea

Europan beren zereginarengatik Ekonomia eta Gizarte Arazoetarako Batzordeak edo erakunde kideak nabarmendu behar badira, eskualdeetako ekonomia eta gizarte biziko aktoreen sare zabalarekin duten harreman handiari erreparatu beharko diogu. Iragazkortasun hori da horien bertute nagusia eta makineria egituratzen dute, batetik, ikuspuntuak hurbildu eta, bestetik, modu orekatuan adostasunetara iristeko. Lana sarean egiten denean, ondorioa geografikoki biderkatzen da eta nazioz gaindiko ahots baimendu modura entzuten da. Hori da, hain zuzen ere, STA Sare Transnazional Atlantikoaren helburu bat, interes erkidea duten gaiak lantzeko orduan, lankidetza lanak eskaintzen dituen eskualde onurez gain, noski.

STAren nazioarteko oihartzuna, adibidez DG Marek egindako agirian islatu da. Nolanahi ere, hori egun Estrategia Atlantikoari buruz Europar Batzordearen Ekintza Plana ebaluatu eta ikuskatzearen testuinguruan ageri da. Ildo horri eutsiz, Parisen hilaren hasieran STAren Osoko Batzarraren azkeneko bileran positiboki antzeman eta balioetsi genuen. Sarrera honekin batera doan argazkian ikus daiteke.

Euskadiko Ekonomia eta Gizarte Arazoetarako Batzordea fatxada atlantikoko batzordeen kooperazio plataformaren buru da. Sarearen erabakitze eta lankidetza estrategikoaren organo gorenaren Pariseko bileran adostutakoaren arabera, Batzordeak orain arte Estrategia Atlantikoaren funtzionamenduan arazoen diagnostiko zuzena egiten du. Dena den, ondorioen eta gomendioen atalean gabezia esangarriak antzematen dira. Aurrekoaren harira, bat funtsezkoa da: finantzaketa, alegia. STAk azpimarratutakoaren babesean, Ekintza Plana ikuskatzen denean, zutabe bat ezinbestez finantzaketa izango da. Ia stakeholder guztiek -eurekin egon gara berriz joan den astean Vigon-, azaldutakoari eutsiz, finantzaketa berezia ez dagoenez, Estrategia Atlantikoa inplementatzeko eragozpena sortzen da. Ororen ustez Atlantikorako estrategia bereziak horretan oinarritzen diren proiektuei dagokienez ad hoc finantzaketa formulak ekarri beharko lituzke eta horretan itxaropentsu daude. Beraz, harrigarria da Batzordeak berrikuspen prozesuan gai honi arreta berezirik ez eskaintzea.

Auditorio_Pazo_de_Congresos_Mar_de_Vigo

Bihar hasiko da Vigon V. Atlantikoko Stakeholdersen konferentzia

Atlantikoaren eremuan ekonomia urdina eta lan iraunkorrak, baita horiek eskatzen dituzten karrera profesionalak eta abilezia lehiakorrak ere dira landuko ditugun gai nagusiak bihar Vigon bosgarren Atlantikoko Stakehordersen konferentzian. Urteko zita hau Atlantikoko Ekintza Planaren laguntza taldeak antolatzen du eta Sare Transnazional Atlantikoko (STA) lehendakaria naizen heinean, izango naiz bertan, Euskadiko Ekonomia eta Gizarte Arazoetarako Batzordea ordezkatzeaz gain. Enpresek, erakundeek, itsas klusterrek, erakunde akademikoek eta prestakuntzaren ingurukoek, inbertitzaileek… parte hartuko dute.

Topaketari bihar ekingo zaio eta sarrera modura osoko bilkuraren saioa egingo da. Nolanahi ere, horren esparruan “Proiektu Atlantikoei Sariak” emango zaizkie. Aurten hirugarren edizioa beteko da. Sariak 2016. urtean hasi ziren eta bost kategoriatan ematen dira. Atlantikoko Ekintza Planaren eta Estrategia Atlantikoaren babesean garatutako proiektu aipagarriak gorestea dute helburu.

Konferentzian zenbait mintegi antolatu dira, baita inbertitzaileentzat eztabaida gunea ere, zenbait enpresak beren proposamenak aurkezteko. Halaber, egun erdiko saioa gauzatuko da, itsas enpresetako operadoreen eta zerbitzuen hornitzaileen artean kontaktuak trukatzeko. Gainera, enpresek bi aldeen arteko ohizko topaketak egingo dituzte eta Europar Batzordeko nahiz europar eremuko beste erakunde batzuetako ordezkariekin bilduko dira.

Sare Transnazional Atlantikoari dagokion burutza berriaren erronkak

Red Transnacional AtlánticaHurrengo bi urteetan, Euskadiko Ekonomia eta Gizarte Arazoetarako Batzordeak Sare Transnazional Atlantikoaren (STA) burutza izango du. Atzo STAren buru hautatu ninduten, Euskadiko Ekonomia eta Gizarte Arazoetarako Batzordeari ordezkatuz, Galizian nazioarteko sareri dagokion Orientabideen Batzordeak egindako bileraren esparruan. Barneko bilera arratsaldean gauzatu zen eta fatxada atlantikoan ekonomia urdina bultzatzeko jardunaldia amaitu zuen. Nolanahi ere, gai nagusi bat da hori eta lankidetza sarea osatzen duten erakundeen interesa sortzen du.

STAren zuzendaritza organoak berritu ostean, nire esku-hartzeari ekin nionean, lehenik eta behin, azpimarratu nuen Europar Batasunari eragiten dizkioten aldaketen eta ziurgabetasunen etapa berriaren aurrean (Brexita gauzatzea, Frantzian, Alemanian hauteskundeak…) arreta handia eskaini behar zaiola eta malgutasunez jardun behar dugula, erkidegoaren jarduerari dagokion ohiko erritmoa biziki aldatuko baitute. Era berean, burutza berriaren jarduera ardatzak adierazi nituen. Oinarrian hiru izango dira.

Fase berri honetan STAren lehenengo erronka da espazio atlantikoarekin zerikusia duten europar politika guztietan eragile nabarmen eta ahots baimendu bezala bere posizioa sendotzea. Hurrengo ekainaren amaieran Estrategia Atlantikoa berraztertuko da eta azken txostenean STAren ekarpenak behar bezala kontuan hartzea nahi dugu. Arrazoi berdinean oinarrituta, eremu atlantikoan lan berriei ekingo diegu, etorkizunean ere kontuan hartzeko.

Bigarren jarduera ardatza beste nazioarteko erakunde batzuekin (besteak beste, bestelako sare atlantikoak) harremanak biziagotzean datza. Hirugarren ardatza, ordea, barnerako da. Gure barnean kohesioa indartu behar dugu eta, aldi berean, ahalegin handiagoa egingo dugu, Britainiako eta Irlandako erakundeak STAan sartzeko, nahiz eta Brexita gertatu.

Page 1 of 3

© 2017 Copyright Consejo Económico y Social Vasco | Euskadiko Ekonomia eta Gizarte Arazoetarako Batzordea