EGABeko presidentearen bloga

Euskadiko Ekonomia eta Gizarte Arazoetarako Batzordea

Tag: Arco Atlantico

45 Asamblea General

Ideia-agentzia Europarentzat

Aste honetan hitzordu garrantzitsua daukagu Helsinkin. Gai anitzak jorratuko dituen agenda zabalarekin, Itsas Erregio Periferikoen Konferentziak garatzen dituen jarduera guztiak barne hartzen baititu. Konferentziak gaur hasi eta ostiralera arte Finlandiako hiriburuan antolatuko du bere berrogeita bosgarren Asanblada Orokorra. IEPK plataforma handia da, eta horren barne daude 160 Europako eskualde, Batasuneko 25 Estatutan integratuta daudenak. Bere dimentsioari buruzko ideia bat egin ahal izateko, gutxi gorabehera 200 milioi herritar ordezkatzen ditu. Zer nahi du IEPKak? Europako lurraldearen garapen orekatuagoa lortu nahi du. Zentzu horretan, Itsas Erregio Periferikoen Konferentziak bere burua definitzerakoan Europako eskualdeentzat lobby bat eta think tank (pentsamendu laborategia) bat dela esan ohi du. Dudarik gabe interes handiko talde bat da, baina horrez gain (niri bereziki azalpen hau gustatzen zait) “Europarentzat ideia-agentzia bat da”.

Europarentzat ideia-agentzia bat, zeinak parte hartzen duten eskualdeen interesak defendatzen dituen Europako baterako politikek lurraldean inpaktu handia izatea lortzeko. Izan ere, IEPKren barne-antolakuntzak berak irizpide geografiko zehatz bat jarraitzen du, eta hala, bere jarduera-organigrama Europako sei itsas eremu periferikotan banatuta dago (Arku Atlantikoa, Balkanak/Itsaso Beltza, Itsaso Baltikoa, Mediterraneo Itsasoa, Irlak eta Ipar itsasoa). Gure eremua, Arku Atlantikoarena, Andaluziatik Eskoziara arte luzatzen da, Portugal, Espainia, Frantzia, Irlanda eta Erresuma Batuko eskualde ezberdinekin, non Europako biztanleriaren %12 bizi den.

Europako eskualde horiek arazo globalei aurre egin behar die eta horretarako lurralde-mailako erantzunak eman behar dira modu orekatuan, kohesionatuan eta bateratuan. Helsinkin garraioari eta irisgarritasunari buruz hitz egingo dugu, alor horretan garapen geopolitikoak duen inpaktuari buruz, kohesio politikei buruz, integratutako itsas politikei buruz, klima aldaketari buruz, Europako proiektuaren etorkizunari buruz…Gai horiei buruz hitz egingo dugu behin eta berriz.

Asamblea General ARC

Norabide berean jardunez

Duela egun batzuk Iruñean Arku Atlantikoaren Batzar Nagusia egin zen. Aipatu topaketan Arku Atlantikoa osatzen duten 29 eskualdetako ordezkariek Arku Atlantikoaren Batzordeko presidente berria hautatu zuten 2016-201 denboraldirako. Bruno Retailleau, Pays de la Loire eskualdeko presidentea, izan zen. Eskualde horiekin batera, modu berean, beste bi sare izan ziren, eremu geografiko berean aritzen direlako: Arku Atlantikoko Hirien Sarea eta Ekonomia nahiz Gizarte Eragileen Nazioz Gaindiko Sare Atlantikoa (RTA).

Nafarroako hiriburuak kooperaziozko irudi bikaina eskaini zigun. Kide bakoitzak bere lan-eremutik abiatuta, bere ahaleginak taldeari eskaintzen dizkio eta horrek norabide berean jarduten du etorkizunean Europar Batasunean partekatzen dugun gune atlantikoa hobe aprobetxatzeko. Gune hori Estrategia Atlantikoaz hornitu dugu eta Ekintza Plana definitu diogu. Hainbat proposamen dago eta erakundeei nahiz ekintza plan erkidea partekatzen duten bost estatuei transmititu zaizkie.

Ildo horri jarraiki, Nafarroako topaketan aho batez onartu ziren europar arduradunentzat Arku Atlantikoaren Batzordeko Mezu berriak, aurtengo udazkenean urte askotako finantza-esparrua berraztertzeari begira. Mezuak Erkidego eta eskualdeetako politiken artean sinergiak sendotzeko dira. Lurralde atlantikoetan eragina areagotzea dute helburu. Laburbilduz, mezuek Arku Atlantikoak lantalde desberdinetan landutako ekintzen multzoa egituratzen dute.

© 2017 Copyright Consejo Económico y Social Vasco | Euskadiko Ekonomia eta Gizarte Arazoetarako Batzordea